المساعد الشخصي الرقمي

مشاهدة النسخة كاملة : من قول الشاعر ابراهيم بن جعيثن - في ريالين فقدت له

world_wide
15/04/2006, 04:55 PM
بداية
اسعد الله مساكم بكل خير
الي الان لم ابيع العقرب وسوف احتفظ بها حتى يفرجها الله سبحانه علينا وعليكم


هذه قصيدة من كتاب (ديوان ابن بادي) للشاعر الكبير إبراهيم بن جعيثن في ريالين فقدت له
تعالوا نقرا وشي يقول في قصيدته الجميلة:

المعسر تضيع افكاره
والميسر يا زين اشواره

التاجر يازين علومه
والصعلوك اعطيك اخباره

زلات التاجر مرفيه
لو شافوها كبر القاره

والصعلوك اينما يكذب
ولو صارت كبر ازراره

تصير اكبر من طميه
للغياب مع الحضاره

ياخذها هذا من هذا
في البرقيه والطياره

يابن دايل ويش الحيلة
الله يجيرك بجواره

قل الشوف وقصرت رجلي
لامن كد ولاش تجاره

ادخلت ريالين عندي
تهاوشوا في السحاره

قالوا هيا نبي نظهر
ونخلي الشايب في داره

ان صرنا عنده يوذينا
مابين ادلاله واوجاره

من حرصهن على الطلعه
كسرن القفل ومسماره

وان قال احد ويش هالروحه
قلنا روحنا زواره

نبي مكان يحفظنا
وسيله مسدود معباره

دونه جدران مبنيه
والباب استاد نجاره

له سارقتين في المجرا
والظبه ياقوي اوساره

روحنا من ينشد عنهن
في الطياره والسياره

واثر المقرودات قريب
راحن للتاجر في داره

لمست الباب ابا اظهرهن
واثره مردود بحجاره

ازكا الصلاة وتسليمي
على طه عد اذكاره

==================


وسلامتكم يالربع
الراااكد
15/04/2006, 05:01 PM
لا إله إلا الله العظيم الحليم، لا إله إلا الله رب العرش العظيم، لا إله إلا الله رب السماوات ورب الأرض ورب العرش الكريم
الراااكد
15/04/2006, 05:04 PM
لا إله إلا الله العظيم الحليم، لا إله إلا الله رب العرش العظيم، لا إله إلا الله رب السماوات ورب الأرض ورب العرش الكريم
المال عصب الحياة
15/04/2006, 05:06 PM
دخلنا الاسهم نبي تجارة؟؟؟؟؟؟؟؟؟؟؟؟
nawaf5050
15/04/2006, 05:21 PM
صح لسان ابن جعيثن .................
الألماسي
15/04/2006, 05:28 PM
والله ياراحت علينا..
بالسوق وفي إنهياره..

أحلام العالم تبدد..
بالعماره والسياره..

أول نبي لكزس كحلي..
وألحين إبديدسن غماره..

وزين إن مابدلنا الديدسن..
وصارت أحلامي ب....ه..ـــــــــــــــــــــــــــــــــــــ الله يعزكم

والبيت إن بالغنا خيمه..
زين إن ماصارت مغاره..

بس إعذروني ياربعي..
عباره جرت عباره..

السوق اللي حطم نفسي..
وخلا أعصابي منهاره..

وأصبحت أكتب وألحق وأكتب..
ودي آخفف آثاره..

والله إني أرجي ربي..
وأسأله اللطف إب أقداره..

وإعذروني..

من مابي من هالسوق..
world_wide
15/04/2006, 05:31 PM
والله ياراحت علينا..
بالسوق وفي إنهياره..

أحلام العالم تبدد..
بالعماره والسياره..

أول نبي لكزس كحلي..
وألحين إبديدسن غماره..

وزين إن مابدلنا الديدسن..
وصارت أحلامي ب....ه..ـــــــــــــــــــــــــــــــــــــ الله يعزكم

والبيت إن بالغنا خيمه..
زين إن ماصارت مغاره..

بس إعذروني ياربعي..
عباره جرت عباره..

السوق اللي حطم نفسي..
وخلا أعصابي منهاره..

وأصبحت أكتب وألحق وأكتب..
ودي آخفف آثاره..

والله إني أرجي ربي..
وأسأله اللطف إب أقداره..

وإعذروني..

من مابي من هالسوق..

صح لسانك يالذيب