ابوي مات وله مساهمة ما اعرفها أحد يدلني عليها

[فاهم الطبخة]

توفى الوالد الله يرحمه وله مساهمة من أكثر من خمس وعشرين سنة ما داري وش صار عليها
أحد تكفون يدلني على أصحابها
وهي مساهمة أرض بن خرينق بالأحساء[/size
كان يقول قبل ما يتوفى إن الي يجيهم يعطونه راس مالة

[size="7"]تكفون ردو علي لإني مادري وش أسوي

[أخوكم مساعد]

أخي الكريم في هذا البلد ماتأخذ حقك ولابيدك حيله تسويها أحسن شيء أحتسبو بأن تكون لكم في الاخره أنا مثل ابوك لي أربع سنوات أطالب بحقي عن طريق الدوائر الحكوميه ولا أحد رد لي حقي مع إن المساهمه نظاميه ميه بالميه (اقولك بصراحه ابوك في امس الحاجه لها في قبره خلها له احسن)الله يغفر له ويرحمه امين

[AL zaaahif]

اخوي مايضيع حق وراه مطالب خلي هالكلمتين براسك

الله يرحم ابوك ويدخله الفردوس الأعلى

شوري لك رح الأحساء واسأل عن ارض بن خرينق وين موقعها ثم اسأل عن اصحابها واوصلهم واشرح موضوعك

ولاتسوي شي معاهم رسمي الا بعد ماتشاور اهل الخبرة والرأي السديد

الله يوفقك يارب ولو تبي اي خدمه انا موجود تحت امرك

[فاهم الطبخة]

مشكورين على الردود
وأسأل الله العظيم ان يجزل لكم المثوبة

[فاهم الطبخة]

إلى الآن ماطلعت بنتيجة

[أخوكم مساعد]

إلى الآن ماطلعت بنتيجة

قلت لك اخوي منت طالع بنتيجه في هالبلد واللي يقوللك مايضيع حق وراه مطالب صادق بس ماهو في بلدنا ,ا حتسبها عندالله في يوم انت فيه بأمس الحاجه

[هتانه]

اخوي قبل 30 سنة او اكثر ماكان فيه شركات مساهمة كان فية مؤسسات والمؤسسات هذي كان على راسها مؤسسة اسمها مؤسسة (بدر) كانت في ذلك الوقت الكل بالكل مايمنع انك تسأل عنها .
نفس الحكاية كانت عند ابوي اللة يرحم موتانا وموتاكم وموتا المسلمين .
واللة لقينا عندهم الي ماكنا نتوقعه وشد حيلك
مؤسسة بدر مشهود لها بنزاهه واللة اعلم.

[احرار]

رحمه الله الظاهر لهم مكتب بالرياض وانت جاي من الدائري الشرقي رايح جنوب على يمينك المواساة بعدها سايدين يروح يمين جهة طريق متعب على اليمين ان كنت من اهل الرياض وعهدي بالمكتب قبل سنه

[المسافر 2005]

يا اخي الله يرحم والدك ويسكنه فسيح جناته

ولكن يا اخي الفاضل لو بدلت في عبار ( مات _ توفى ) كان أفضل وأسهل على النفس في قراءتها )

[فاهم الطبخة]

الله يعطيكم العافية
بس تتوقعون يرودن علي حقي

[mansour]

اخي الحبيب الوصف لدي اذا كان المقصود العقاري عبدالمحسن الخرينق المتوفي منذ مايقارب سبع سنوات الله يرحم اموات المسلمين


albarrak999@hotmail.com

[ابوعبود6]

اخوي فاهم الطبخه انا اعرف بن خرينق واعرف عيال صاحبهاوهوعبدالمحسن الخرينق مات من 5سنوات وكانك تبي رقمهم ارسل في المنتدى وانا بدخل واشوف كانك دخلت