بعد إذن الإداره .. استفسار يا خبراء المحاكم

[ماشي حلاوه]

السلام عليكم
ياجماعه وشو صـك الولايه ؟
عندي شايب مقطوع من شجره وانا الي متكفل فيه
ورحت ابي اطلع له بطاقة صراف قال المدير هات صك الولايه ؟
مع ان الشايب مخرف بكل شي الا بالفلوس

لاهنتو وش الدبره شلون اطلع هالصك ؟

[ماشي حلاوه]

تراي موجود يعني بالموضوع ومعسكر إنتظر الي عنده علم يفيدنا
يعني وحده بوحده

[ماشي حلاوه]

عدد المشاهدات 11
ولا واحد رد .... مااشي مااشي

[ماشي حلاوه]

, شيخ الحارة , Turrki2000
احس الاجابه على طرف لسان واحد منكم بس مستشك

هاتو بس هاتو مسكونا طرف الخيط

[ماشي حلاوه]

شكلي بحط جائزه على هالسؤال

[AL-TMIMI]

صك ولايه تروح الى المحكمه وتاخذ انك انت الي تعوله ونك ولي عليه

[AL-TMIMI]

شكلي بحط جائزه على هالسؤال
اهم شي الجائزه :D

[ماشي حلاوه]

موافق يبشر بجركل تمر :)

[ماشي حلاوه]

صك ولايه تروح الى المحكمه وتاخذ انك انت الي تعوله ونك ولي عليه

طيب يالتميمي مايبي لها مزكي معرف الشغلات هاذي ؟

[هايل العبدان]

أخي العزيز ..
هناك مستشارون قانونيون ومحامون ضمن أسرة "المساهم"، ويمكنهم إعطاءك الاجابة الشافية لتساؤلك ..
راسلهم على الخاص أو إنتظر حتى يطلع أحدهم على موضوعك هذا ..
منهم على سبيل المثال: المستشار القانوني (http://musahim.maktoob.com/admincp/user.php?do=edit&u=13342) وهو الأخ والصديق العزيز وائل جوهرجي .
وكذلك الأخ العزيز :سامي الخلف (http://musahim.maktoob.com/admincp/user.php?do=edit&u=30935) وهو محامي ، وايضا الأخ الكريم :محامون مستشارون
كما يمكنك مراسلة الشيخ الفاضل د . عباس رحيم (http://musahim.maktoob.com/admincp/user.php?do=edit&u=25396) وهو مشرف الشئون الدينية بالهيئة الملكية بينبع , للاستفسار منه عن النواحي الشرعية .


لك التحية ..

[ماشي حلاوه]

كفيت ووفيت يابو اسيل الف الف شكر

براسل مستشار قانوني.. الف شكر

[سعدون]

أسأل الله العظيم أن يجزيك خير الجزاء وخير الثواب بعنايتك وصنيعك مع هذا الشيخ

أحسن اليه وأسال الله أن يجعله سببا يدخلك به جنات النعيم

أما عن سؤالك . فأنصحك بالذهاب لكاتب العدل وتسأل الشيخ وسيجيبك الإجابه الشافيه.

وإن شاء الله يساعدك لما يعرفك جميل صنيعك مع هالمسكين

جزيت خيرا

[hatim22]

تكفى ماودك تأخذ نقل قدم وتخليلي هالشائب ودى اكسب فيه أجر

[مدار]

اسهل من هذا كله
خذ الشايب للبنك وخله ياخذ البطاقه وهو واقف وانتهت المشكله

[ماشي حلاوه]

سعدون _hatim22
بارك الله فيكم وأحسن إليكم

مدار
المشكله مدير البنك يقول مايقدر يعطيني بطاقه له
حتى لو حضر الا بصك الولايه

وننتظر رد اخونا مستشار قانوني

[مالى شغل]

صك الولاية يستخرج من المحكمة بحضور شاهدين مع معرفين وان هذا الشخص لا والي الا الله ثم انت .

[أبـqنـqرة]

تفضل هذا الموقع يفيدك كل ماهو له علاقة بالمحاكم والمحاماة

www.mostchar.com

[ماشي حلاوه]

الاخوه مالي شغل _ ابو نوره

الله يفتحها عليكم ويرزقكم وجزاكم الله الف خير

ماقصرتو

[YUKON]

السلام عليكم ورحمة الله وبركاته

رح للمحكمه وقدم خطاب تشرح فيه الحاله و اسباب طلب صك الولايه وبعدين يحولك الشيخ الى مستشفىللصحة النفسيه 0

ويقوم المستشفى بعرض حالت الشايب على لجنه وترجع بعدها المعامله للمحكمه ويشوف الشيخ اذا كنت اهل للولايه او لا وبعدين يطلب شاهدين ومزكيين 0


هذا ما اعرفه عن هذا الموضوع ان شاء الله تستفيد

الله يسمح امرنا و امرك

تحياتي لك00000

[نوافه]

صك الولايه انك تكون ولي على شخص معين

اما يكون صغير في السن

تروح المحكمه وتقول انا وصي على الشخص الفلاني وتجيب معك شهود ولا معرفين

طبعا اثنين والله يعينك على المحاكم وغثاها

[ماشي حلاوه]

الاخ يوكن يعطيك العافيه
متأكد ان السالفه ماتمشي الا بلجنة طبية ؟

نوفه الف شكر لك
وياليتها تمشي بكم شاهد ومعرف

[عبدالله المحسن]

السلام عليكم
ياجماعه وشو صـك الولايه ؟
عندي شايب مقطوع من شجره وانا الي متكفل فيه
ورحت ابي اطلع له بطاقة صراف قال المدير هات صك الولايه ؟
مع ان الشايب مخرف بكل شي الا بالفلوس

لاهنتو وش الدبره شلون اطلع هالصك ؟
هل هذا ( الشايب ) والدك ..؟